La Sultanlando de la Virinoj (turke Kadınlar saltanatı) estis periodo de eksterordinara politika influo farita de edzinoj kaj patrinoj de la sultanoj de la Otomana Imperio. Tiu fenomeno en la komenco de la moderna periodo, proksimume inter la jaroj 1533 kaj 1656, startis dum la regado de Sulejmano la 1-a pere de lia geedziĝo al Hürrem Sultan (konata ankaŭ kiel Roksolana).[1] Tiuj sultanoj estis ĉu la edzinoj de la Sultano, referencataj kiel Haseki Sultan, aŭ la patrinoj de la Sultano, konata kiel Valide Sultan. Multaj el tiuj virinoj estis de slavaj devenoj, kutime ĉe la sultanlando, ĉar proksimaj kandidatoj estis konsiderataj risko por la Sultano, kiu preferis ne havi personajn boparencojn, kaj krome slavulinoj estis konsiderataj allogaj ĉe tjurkaj popoloj (kaj ne nur).[1] En tiu epoko, Haseki kaj Valide Sultan-oj havis politikajn kaj sociajn povojn, kio rajtigis ilin influi super la ĉiutaga fluo de la imperio, same super la petoj por konstruo de gravaj konstruaĵoj, kaj por bonfaraj vorkoj, kiel ĉe la Moskeo Valide Sultan[1].
© MMXXIII Rich X Search. We shall prevail. All rights reserved. Rich X Search